KO
E TALAMU’A
Ko
e fakakaukau ke fakahoko ha Konivesio na’e
hange pe nai ha misi ‘i he’ene fuofua
ha mai kiate kinautolu na’a nau fokotu’utu’u
mo fa’ufa’u ke fakahoko ‘a e Fakataha
mahu’inga ni. Koe’uhi ko e fo’ou
pea mo e natula fakafepaki ‘a e fa’ahinga
ngaue pehe ni pea mo e ngaahi tukuaki’i na’e
pau ke hilifaki ki he fa’ahinga ko ‘eni,
na’e pau ai ke fehangahangai ‘a e ni’ihi
ko ‘eni mo ha ngaahi palopalema lahi ‘i
hono teuteu’i ‘o e polokalama fekau’aki
mo e Konivesio. Ka neongo kotoa ‘a e ngaahi
fakafe’atungia na’e hoko kimu’a
pea mo e lolotonga ‘o e taimi na’e fakahoko
ai ‘a e Konivesio na’e ‘ikai tuka
ai ‘a e ngaahi feinga mo e faka’amu ke
fakahoko ‘a e Fakataha mahu’inga ni.
‘I he matafiange ‘a e ngaahi loa mo
e popo’uli lolotonga ‘o e taimi na’e
fakahoko ai ‘a e Konivesio ne malava lelei
ke tau fonua ‘a e folau ‘o ‘ikai ‘i
ai ha mo’ui ‘e mole pe ha maveuveu ‘e
hoko.
Ne
lava lelei ‘a e Konivesio, pea a’usia ‘a
e ngaahi taumu’a kotoa na’e faka’amua ‘e
he Komiti Temokalati na’a nau fa’u mo
fokotu’utu’u ‘a e polokalama ‘o
e Konivesio.
‘Oku ‘i ai ‘a e tu’amelie
mo e ‘amanaki lelei, ‘o makatu’unga ‘i
he malava ke fakahoko ha Fakataha matu’aki
mahu’inga pehe ‘i hotau fonua ni. Na’e ‘iloa
foki ‘a e teuteu ‘o e Fakataha ni pea
mo hono taumu’a ‘i he Pasifiki ni pea
a’u ki Pilitania mo ‘Amelika. Pea ne ‘ahia ‘a
Tonga ni ‘e he ngaahi Nusipepa ‘iloa ‘i
he Pasifiki kenau ‘oatu ‘a e ngaahi ongoongo
ki mamani lahi fekau’aki mo e ola ‘o
e Fakataha na’e fai.
‘Oku tala ‘e he tokanga mai ‘a
e ngaahi fonua muli pea mo e tokolahi ‘a e
kakai tu’ukimu’a mo falala’anga ‘o
e fonua na’a nau kau ki he Fakataha ‘a
e mahu’inga mo e ‘aonga ‘o e Fakataha
ni ki he fonua fakalukufua.
Fakatauange ‘e hoko ‘a e fengaue’aki ‘a
e ngaahi Kupu tefito mo e kakai mateaki’i fonua ‘o
e fonua ki hono langa hake ‘a hotau ki’i
fonua ni.
Home | About
Us | Media Releases | Articles | Forms & Brochures | Contact
Information
Designed and Hosted by
