ONGOONGO
12 ‘Akosi 2003
KAU ‘A E TALEKITA ‘O E HRDMT ‘I
HE POLOKALAMA PENOLO ‘I ‘OKALANI LOLOTONGA
E FAKATAHA PACIFIC ISLAND FORUM
‘Oku teuteu ke kau atu ‘a e Talekita ‘o
e Kautaha Totonu ‘a e Tangata Mo e Temokalati,
Lopeti Sentuli kiha polokalama penolo fekau’aki
mo e “Pule Taau” lolotonga ha fakataha ‘i ‘Okalani,
Nu’usila ‘ihe ‘aho 15 ‘o ‘Aokosi.
Ko
e fakataha ni ‘oku fokotu’utu’u
ia ‘ehe Centre for International Development
mei Uelingatoni pea mo e Kautaha faka-Pasifiki ‘ae
ngaahi “trade unions” ko e SPOCTU. ‘E
fakaave e fakataha ni ‘ehe Sekelitali Seniale ‘o
e Kominiueli ko Hon. Don McKinnon. ‘Oku ‘iai
e fokotu’utu’u ke kau mai ki he fakataha
ni ‘a e ni’ihi ‘o e kau fakafofofnga
Pule’anga ‘oku nau lolotonga ‘i ‘Okalani
ki he fakataha hono 34 ‘a e Kautaha fakavaha’apule’anga
ko e Pacific Islands Forum.
Na’e pehe ‘e Lopeti Senituli “Ko
hono fakalea ‘eku tefito’i kaveinga ‘oku
pehe ni, ‘Oku kau ‘ihe ngaahi makatuliki ‘o
e “Pule Taau” ‘a e fiema’u
ke tau’ataina mo longomo’ui ‘a
e faiongoongo (media)”. Teu fakatata’aki ‘a
e ngaahi feinga ko ia ‘a e Pule’anga
Tonga kene fakangatangata e tau’ataina ‘o
e faiongoongo ‘i Tonga ni. Pea teu lave foki
ki he hanga ko ia ‘ehe NZ Press Council ‘o
fakafisinga’i e launga mei he Tonga Media Association ‘aki
e ‘uhinga ‘oku ‘ikai ke ‘iai
ha’a nau mafai kenau lave ki ai he ko e me’a
na’e launga’i ‘oku hoko ‘i
tu’apule’anga”.
‘Oku ‘amanaki foki ke toe kau atu ‘a
Senituli ki he Semina makehe ‘oku fakahoko
he ‘aho 16 ‘o ‘Akosi ‘aia ‘oku
fokotu’utu’u ‘ehe Kautaha ‘a
e fanauako Tonga ‘oku nau feinga ki honau MA
mo e Toketa filosefa ‘i he ngaahi Univesiti ‘i
Nu’usila. Ko e kaveinga ‘o e Semina ko
e: “Ko Tonga ‘ihe manga’ihala:
Ko e Politiki ‘ahai? Ko e Angafakafonua ‘ahai?
‘E fai ‘a e semina ni ki he, Waipapa
Marae ‘o e ‘Univesiti ‘o ‘Okalani. ‘Oku
kau ‘ihe kau lea ‘a Toketa Sitiveni Halapua
(East West Centre), Toketa Linda Manu’atu (Auckland
University of Technology), Mele Tu’ilotolava
(Loea), Faifekau Tavake Tupou (Palesiteni malolo ‘o
e Siasi Metotisi ‘o Nu’usila)
‘E kau atu foki ‘a Senituli kiha fakataha
makehe mo e Christian World Service ki Christchurch, ‘ihe
motu Saute kimu’a ‘ihe ongo fakataha ‘i ‘Okalani.
Ko e Christina World Service, ko e va’a Langa
Fakalakalaka ia ‘a e Konifelenisi ‘a
e Ngaahi Siasi ‘o Aotearoa Nu’usila,
pea ‘oku ‘iai ‘enau polokalama
fetokoni’aki mo e Kautaha Totonu ‘a e
Tangata mo e Temokalati ‘i Tonga.
Kataki ‘o
fetu’utaki kia Lopeti Senituli ‘i he
telefoni 25501 pe ko e mobile 18545 ‘oka
fiema’u ke fakaikiiki
Home | About
Us | Media Releases | Articles | Forms & Brochures | Contact
Information
Designed and Hosted by
