‘Oku ‘i ai ‘a hono fehu’ia lahi ‘a e makatu’u mo e ngaahi kau peau ‘o mole ai ‘a e melinó mo e ngaahi naunau ‘o e tau’atāina he malumalu ‘o e laó. ‘Oku ngali nonga pe ‘a e ngaahi ‘otu motú ia ka ‘oku mahulu ‘a Tongatapu ‘i he fu’u fiema’u ke ngāue fakavave ‘a e Pule’angá ki he loto ‘o e kakaí.
Neongo ai ha me’a ke fēfē! ‘E malava pē ke lahi ‘aupito ‘a e ngaahi fakamatala ke fakamā’opo’opo’aki ‘a e makatu’u ‘o e naunau ‘o e 16/11/2006.
Ka ko e ki’i fehu’i pē ‘i he makatu’unga he anga ‘o e tālanga fakapolitikalé :
Kau poupou ‘o e Pule’anga Tongá mo ‘ene ngaahi fokotu’utu’ú ki he Fakalelei Fakapolitikalé.
Ko e fo’ui nai ‘o hai ‘a e fetuku me’atau ‘a e ngaahi vaka ke tokoni ki he tau toitoí?
Kau poupou ‘o e Temokalati ‘oku feinga ki ai ‘a e Kau Fakafofonga ‘o e Kakaí ‘a ia ‘oku kau ki ai ‘a ‘Akilisi Pōhivá.
Ko e fo’ui nai ‘o hai ‘a e maveuveu na’e hoko he 16/11/2006?
‘I hono fakalukufuá ‘o e siofi ‘o e ngaahi me’a fakaofo na’e kamata he efiafi Tu’apulelulu 16/11/2006, ‘oku ‘i ai ‘a e ngaahi fifili ‘a e Tongá mo mamani lahi ki he ‘elito ‘o e ngāue fakaofo na’e ‘ikai ke ‘amanaki ki ai ‘a Ha’a Takilotu, kau Taki ‘o e Pule’anga Tongá, mo e konga ‘o e kakai ‘o Tongá. Ko hono ‘aofaki ‘eni ‘o e ngaahi ngāue fa’itelihá ni ‘oku makatu’uinga ia he makatuliki ‘e 3.
Ko e me’akai faka’atamai mo e tupukoso nai he ‘atamai ‘o e kakai ke fakahoko ‘a ia ‘oku tapu he Konisitutone mo e Lao ‘o Tongá.
Makatu’unga he ngaahi tefito’i tui na’e malanga’i he ngaahi taimi lōloa kuo tongitu’u he loto ‘o e kakaí.
Loto pe fakakaukau ke fakahoko ‘aia na’e kamata he efiafi Tu’apulelulu 16/11/2006!
Ka ‘i he anga ‘a e vakai vaivai pe ‘eni ia ‘a’akú ko e konga ‘eni ‘o e ngaahi fehu’i ke tau tali ke tokoni kiate kitautolu.
–Ko hai ‘oku tuku ki ai ‘a ho’o falalá?
–’Oku ‘ikai totonu nai ke faka’apa’apa’i ‘a e paloti ‘a e Falealeá ‘o Tongá?
–Ko e hā nai ‘a e ngaahi me’a na’a ne fakatupunga ‘a e ngaahi loto tāngia ki ha lelei ma’ongo’onga ma’ae kaha’u ‘o Tongá?
Ko e konga ‘eni ‘o e ngaahi kau peau ‘o e ta’efiemālie ‘a e kakai na’e poupou ki he tui fakatemokalatií ‘a ia ‘oku fakamatala’i atu ‘i laló.
Lolotonga ‘a e ngaahi me’a na’e hokó mo e tuku ‘a e akó mo e mafana ‘a e to’utupu na’e ma’u kava malohi ‘i Pangai Si’i. Ne hoko ai hono ‘ave fakamālohi ‘a e kava malohi mo e koloa kotoa pē mei he Va’a ‘o e Leiola Duty Free na’e tu’u ‘i he Fale ‘o e O.G. Snaft and Sons. Ko e ‘ata ‘i ‘olungá ko e Kalapu Nuku’alofa ia. Na’e hū pē ‘a e to’utupú ‘o ma’u kava papalangi ‘i loto, maumau’i ‘a e ngaahi koloa ‘i lotó, pea fahi kotoa ‘a e ngaahi matapā sio’atá.
Na’e tatau mo e fakakaekae he ngaahi Sipoti ‘Atelita ‘a e Ngaahi Kolisí ‘a e hae fale mo e ‘ave fakamalohi ‘o e koloa mei he Falekoloa Molisí. Neongo na’e ‘i ai ‘a e kau Polisi e toko 6 nai, na’e ‘ikai ufi atu ‘a e kau fakaēhauá ni ia ki he kau Polisí. Na’e tu’u takai pē ‘a e kakaí ‘o mamata.
Fa’u : Kisione Taufa
Taimi : 12 : 00 p.m.
‘Aho : 18 Novema 2006
Feitu’u : Tonga.
Ko eme’a faka’ulia pe ‘a e ki’i kau polisi ‘e toko ono ki he toko fiha ???’i he kau hae fakamalohi ko eni…pea ‘oku mahino mai ‘a e kakai ne tu’u takai pe ‘oku fefe honau ‘atamai???? hufanga he fakatapu kuo fakatafi’ofa ‘a e fakavalevale ‘a e me’a kuo hoko…..’ofa atu ‘a Tonga si’i ki Tonga lahi…..nofo a….hufaki atu he totonu mo e ngaahi ngaue kuo ‘afio’i he ‘Otua….
Koe makatu’unga e maumau he fiepoto ki hono fakalele e fonua ‘o Tupou.
Na’e nofo nonga pe ‘a Tonga ia he melino moe ma’uma’uluta. Pea ‘alu atu e kau fiepoto ‘o ‘ikai tokoni ki hono langa hake e fonua kae o atu ia ‘o tutu mo hae hifo hange pe ko ‘ena ‘oku ‘asi he ta ‘i ‘olunga.
Koe fakae’a mai ai pe e me’a ‘oku mou poto ai koe fakamoveuveu.
ko e fiepoto mo e fietu’utu’uni mo e fie’asi makehe mo ‘asi ta’e fie toe fakatataua mai ‘e ha taha ko e ngaahi mataamama ‘eni e fonongaa ko e fie ‘ilonga mo fie sipesioloo! kae ‘ikai manatu ki he tupu’angaa mo e ngaahi fakalekesi mei mu’aa mo haa ha loto faka’apa’apa ki he kakai ‘oku nau toe ‘ilo lahi ange ki ha fa’ahinga feinga liliu pule’anga he ‘oku ‘i ai pee hono taimi mo hono kakai ke fakakaukaua ‘
‘a e founga fakapotopototahaa ka ‘oku ‘ikai koe fiekaungaakau mo e ‘ohokui holo he poupoua e kovii mo e ngaahi ‘ulungaanga ta’etotonuu!
Malo e ngaue!
Saane
puke mai e kau fkmoveuveuu ‘o ‘oange e me’a ‘oku nau loto ki ai hei’ilo na’a tau toki sio ai ha ‘a’au hake e kau fakahuihui meihe tafa’akii.