Planet Tonga

‘Oku ou tui kapau na’e finangalo ‘a e Tama Tu’i ko Siaosi Tupou V ke ta’ofi malohi ‘a e ngaahi ngaue maveuveu he 16/11/2006. Na’e ‘i ai ‘a e ngaahi nunu’a kehe mo ia kuo ‘osi hokó. Ka ‘i he lava ‘a e vaeua ‘aho mei he efiafi ‘o e 16/11/2006 ‘a e fakahoko ‘o e loto ‘o e kakai na’a nau poupou ki he Kau Fakafofonga ‘o e Kakaí ‘oku vilitaki ke tukulolo ‘a e Pule’anga ‘o Tongá. Neongo hono fakaha na’e tali ‘a e loto ‘o e kakai ka ‘oku fehu’ia ‘ehe tokolahi ‘a e founga na’e ngaue’akí mo ‘ene fakalaó. Read the rest of this entry »

Ne faingamālie ’o ma’u ha ngaahi ‘ata mei loto Nuku’alofá, hili hono fanongonongo mai ‘e he Letiō Tongá ‘a e faingamālie ki he kau faiongoongó ‘e faka’atā ‘a e faitā he feitu’u tapu ‘o Nuku’alofá. Na’e tataki mo tokanga’i pē ‘e he ‘Ofisa Ma’olunga mo e ni’ihi mei he Taumalu’i Fonua ‘a Tongá ‘a e kulupú koe’uhi ko e ngaahi “Crime Scene” ke ‘oua na’a uesia. Read the rest of this entry »

‘I he efiafi 16/11/2006 ki he pongipongi hokó, na’u mā ke toe laukau’aki ko e Tonga au! Neongo ko e tokosi’i na’a nau fakahoko ‘a e maumau ki he ngaahi koloa, fa’iteliha ki he ngaahi koloa, mo e faka’auha ‘o e ngaahi falé. ‘Ikai ngata ai ka na’e uesia lahi ‘a e ngaahi pisinisi kotoa ‘o loto Nuku’alofá. Na’e to e kapa atu foki ki he ngaahi Falekoloa lahi ‘o e kakai Siainá mo e ngaahi me’a kehe pē foki. Read the rest of this entry »

Ko e taha ‘eni ‘o e ngaahi fakahā loto ‘akinautolu na’e nofo ‘i Pangai Si’i ‘o fakaongoongo ki he Falealea ‘o Tongá he efiafi Tu’apuleluluú 16/11/2006! Na’e ma’u heni ha ngaahi sino ‘e 6 kuo pekia he mofiá ni. ‘I he ngaahi fepōtalanoa’aki mo e kau ngāue ‘a e Shoreline mo e Tonfon na’e ‘ikai ha tokotaha ngāue ia na’e toe ‘i he ‘Ofisí. Read the rest of this entry »

‘Oku ‘i ai ‘a hono fehu’ia lahi ‘a e makatu’u mo e ngaahi kau peau ‘o mole ai ‘a e melinó mo e ngaahi naunau ‘o e tau’atāina he malumalu ‘o e laó. ‘Oku ngali nonga pe ‘a e ngaahi ‘otu motú ia ka ‘oku mahulu ‘a Tongatapu ‘i he fu’u fiema’u ke ngāue fakavave ‘a e Pule’angá ki he loto ‘o e kakaí. Read the rest of this entry »

‘I he ‘osi ‘o e ta’u ‘e 87 mei he 1918, ko e ngāue mahu’inga taha ‘a Tongá he mahina ko Novemá ko e lotu fakafeta’i he manatua ‘o e mahaki faka’auhá. Na’e mole ai ‘a e mo’ui ‘a e kakai ‘e toko1,500 tupu nai he ‘Otu Felenité. ‘Oku toe ta’imālie ‘emau mo’uí he fongofongaola ‘a e ngaahi maa’imoa tō folofola ‘a e Tama Tu’i ko Siaosi Tupou V. ‘Ikai ngata ai ka ko e toe fakaola ‘o e pulonga he ‘otu Tongá ‘i he ‘osi pe ‘aho ‘e 30 ‘o e mei he ‘aho 17 ‘o Sepitema 2006. Na’e ‘i ai foki mo e liliu ki he ‘uhinga fakalao ‘o e ‘Aho Mālōlō Fakapule’anga ‘o e Konisitutoné ki he ‘Aho ‘o Tongá (Tonga Day) he ‘a e 04 ‘o Novemaá. Read the rest of this entry »