|
Vahenga
ngaue fo‘ou ‘a Papatoetoe
‘
OKALANI : Na’e fakahoko ‘i he Tokonaki kui ‘osi´ ‘a
e tu’utu’uni ‘a e konifelenisi ‘o e Siasi
Metotisi ‘o Nu’usila´ ni ke fakakakato ‘a
e ouau ‘o e hoko ‘a e siasi Metotisi ‘o Papatoetoe´ ko
e Vahenga ngaue (Peulisi) fo’ou. Neongo na’e kamata
mai ‘a e ngaue ki ai ‘i he kamata’anga‘o
e ta’u ni ka ko e toki fakakakato eni ‘a e ouau ko
ia.
Ko
e fakahoko ko ‘eni ‘o e tu’utu’uni ‘a e konifelenisi´ pea
mo e ouau fakalaumalie na’e tataki ia ‘e he tokoni palesiteni ‘o
e siasi Metotisi´, David McGeorge. Na’e me’a ai foki ‘a
e talekita ‘o e va’a ngaue fakafaifekau ‘a e siasi Rev. John
Murray pea pehe ki he palesiteni maloloo´, Rev. Norman West.
Ko
e ouau fakamafana pea kelesi’ia koe’uhi´ ko e ma’alali ‘o
e ngaue kuo lava´. Na’e fakahoko heni pea mo e papitaiso ‘o
e memipa si’isi’i taha ‘o e siasi´, ko e ‘aho pe
eni ‘e 4 hono fanau’i. Ko e talavou ni ko Ma’unga Kelesi Frisco
Fa’asisila. Neongo e ngaahi pola lahi ‘a e kainga´ ka na’a
nau toe tanaki foki pea mo e pa’anga ‘e valu mano tupu ‘i he’enau
misinale´ ‘a ia na’e fakahoko fakataha pe ia pea mo e katoanga
ni.
Na’e fakahoko ai pe pea mo e faifekau pule ki he peulisi Papatoetoe ‘a
ia ko Saula Fifita. ‘E hoko leva ‘a Papatoetoe ‘o mavahe ia
mei he fai’anga lotu ki he levolo ‘o e peulisi pea ko e ngaahi me’a
tokoa ‘a Papatoetoe ‘e fakahoko ia ‘i he levolo ko ia. ‘E
toki hokohoko atu foki hono tokangaekina ‘e he Vahefonua Tonga ia ‘o
Aotearoa ‘a e ngaahi fatongia kehe ‘o e peulisi´ ‘oku
toe ke fakakakato´, ‘a ia ‘oku tataki ia ‘e he faifekau
sea´, ‘Epeli Taungapeau pea mo e Sekelitali´, faifekau Silivia
Tongotongo.
Ko
e mavahe ‘eni ‘a Papatoetoe mei he Vahenga Ngaue ‘Okalani/Manukau´ ‘a
ia ‘oku lolotonga faifekau pule le’ole’o ai ‘a Re. Vaikoloa
Kilikiti.
|
