|
Toloi ‘a e hopo ‘a ‘Etuate Lavulavu´ ‘i ‘Amelika
NUKU’ALOFA:
KUO toloi e hopo ‘a e Fakafofonga Fika
2 e Kakai ‘o Vava’u´, ‘Etuate Lavulavu, ‘i ‘Amelika
ki ‘Epeleli, ‘a ia ‘oku tukuaki’i ai ia
ki he tohi nima loi mo e ngâue’aki e ngaahi tohi ta’u
loi. Ko e tukuaki’i eni na’e puke ai ia mo fakahû pilisone ‘i
Utah ‘i he ngaahi mâhina si’i kuo maliu atu´.
Ko
e hopo´ ni ‘oku fakahoko ia ‘e he Third District
Court ‘a
Salt Lake City. ‘Oku ‘amanaki foki ke fakahoko ha konifelenisi ‘i
he hopo´ ni he ‘aho 12 ‘o Sanuali ta’u fo’ou´ he
1:30pm kae toki fakahoko ‘a e hopo´ ki he ‘aho 6 ‘o ‘Epeleli´.
Fakatatau
ki he fakamatala ‘oku ma’u ‘e he nusipepa´ ni
ko e hopo sula eni.
‘Oku lolotonga ‘i ‘Amelika foki ‘a e Fakafofonga´ he
na’e totonu ke hâ ia ‘i he fakamaau’anga´ he mâhina´ ni.
|
